नवं नाटक नवा राज्य ...

'शुभं करोति' या मालिकेमुळे मला तुम्हा रसिकांचं खूप प्रेम मिळालं.
आता या 'डेली सोप'नंतर मी 'नवा गडी नवा राज्य' हे नाटक करते आहे. या नाटकाच्या सध्या तालमी सुरू आहेत. लवकरच हे नाटक रंगभूमीवर येईल. खूप लहानपणी मी नाटकांमध्ये काम केली होती. बालनाटय केलं होतं, शाळेत आंतरशालेय नाटकांमध्ये कामं केली होती. मात्र त्यानंतर व्यावसायिक रंगभूमीवर काम करण्याची वेळ आली नाही, तशी संधीही मिळाली नाही. आता या नव्या प्लॅटफॉर्मवरती काम करण्याची मला जाम उत्सुकता आहे. समीर विध्वंस यांचं दिग्दर्शन आणि क्षितीज पटवर्धनचं लेखन हे या नाटकाचं बलस्थान. मी म्हणेन की हे दोघेही इंटेलिजन्ट दिग्दर्शक आणि लेखक आहेत. हे नाटक एक रोमॅंटिक कॉमेडी आहे यात माझ्याबरोबर उमेश कामत, हेमंत ढोमे आणि ऊर्जा देशपांडे आहेत. हा विषय फक्त युथचा नाही तर लग्न झालेलं प्रत्येक जोडपं आणि ज्यांचं एकमेकांवर प्रेम आहे असे सर्वचजण हे नाटक रिलेट करू शकतील. मूळात लग्न झाल्यानंतर नवरा बायकोचं नात खूप हळूवार
होतं. ते तितकचं प्रेमानं जपावं लागतं, सांभाळाव लागतं, समजून घ्याव लागतं. अशा नात्यात घडणार्‍या गोष्टीच या नाटकात आहेत. त्यामुळे मला वाटतं की हे नाटक सगळयांनाच आपलं वाटेल.
हे नाटक तुम्ही नक्की पाहा आणि तुमचा प्रतिसाद नक्की कळवा.