सोनाली कुलकर्णी चा ब्लॉग

ज्या केदार सरांनी 'बकुळा नामदेव घोटाळे'या चित्रपटाने मला या इंडस्ट्रीत लाँच केलं त्यांच्याच सोबत पुन्हा एकदा 'इरादा पक्का'हा चित्रपट करतांना खूप आनंद झाला.
'बकुळा नामदेव घोटाळे'च्या वेळेस मी अगदी कोरी पाटी होते.मला काहीही माहित नव्हतं. केदार सरांनी मला अक्षरशः बोट धरून चालायला शिकवलं.खरचं मनापासून सांगते ते माझे गुरु आहेत.
त्यांनी जेंव्हा मला पुन्हा एकदा त्यांच्या चित्रपटासाठी विचारलं तेंव्हा मला प्रचंड आनंद झाला होता. केदार सरांनी आतापर्यंत त्यांच्या चित्रपटात कोणत्याही हिरोईनला रिपीट केलेलं नाही. पण माझ्याबाबतीत हे घडलं याचा मला खूप आनंद आहे.

आजचा आपला मराठी सिनेमा थीमवाईज तर बदलत चलला आहेच पण प्रमोशनच्या पातळीवरही बदलतो आहे.मार्केटिंग स्ट्रॅटजीचा विचार होतो आहे.दिग्दर्शकांच्या द्रुष्टीकोनातही फरक होतो आहे. या पाडव्याला माझ्या 'क्षणभर विश्रांती'या सिनेमाचं म्युझिक लाँच झालं.तेही अगदी वेगळ्या पध्दतीने.यासाठी आम्ही कोणतही हॉटेल घेतलं नव्हतं तर त्याएवजी मुंबईच्या 'नक्षत्र' मॉलच्या बाहेर स्टेज लावला होता.तिथे आम्ही त्याचं लाँच केलं.लोकांनी ती गाणी ऐकली .ज्यांच्यासाठी गाणी बनवली आहेत ती डायरेक्ट लोकांनाच ऐकवली. आम्हाला खुप सुंदर रिसपॉन्स मिळाला.