अस्सल "केदार शिंदे टच".....

दिवाळी आली आली म्हणताना दिवाळी संपलीसुद्धा! सगळ्यांनी दिवाळीची सुट्टी मजेत घालवली असेलच. काही जण मात्र "इतरांची" दिवाळी मजेत आणि सुरक्षित जावी, म्हणून ड्युटीवर हजर होते. गणपती असो वा दिवाळी, त्यांना आपल्या कर्तव्याचा कधी विसर पडला नाही, त्यांची ड्युटीही ९ ते ५ च्या चाकोरीत बांधलेली नव्हती. ते वचनबद्ध होऊन तुमच्या-आमच्यासाठी २४ तास काम करत आहेत आणि ते म्हणजे "पोलीस". समाजाच्या सुरक्षेसाठी "ऑन ड्युटी २४ तास"वचनबद्ध असलेल्या पोलिसांचे आभार मानावे तेवढे कमीच आहेत. पण आपल्यासारखी तीही माणसंच आहेत ना! त्यांचेही आपल्याप्रमाणेच काही प्रश्न आहेत. आजपर्यंत यावर अनेकदा चर्चा झाल्या आहेत. पण का कोणास ठाऊक, त्यातली तीव्रता समाजातल्या इतर वर्गाना जाणवली नाही. म्हणूनच केदार शिंदे या संवेदनशील दिग्दर्शकाने एका वेगळ्या शैलीत त्यांच्या समस्या प्रकाशझोतात आणण्याचं आव्हान स्वीकारलं आहे. अस्सल "केदार शिंदे टच" असणारा हा नवा सिनेमा "ऑन ड्युटी २४ तास". एक प्रामाणिक प्रयत्न.. केदार शिंदे टच म्हटल्यावर तुम्ही नक्कीच कल्पना करू शकता, ती निखळ आनंद देणा-या, खळखळून हसवणा-या आणि तरीही अंतर्मुख करणा-या सिनेमाची.
आता लवकरच संपूर्ण महाराष्ट्रात प्रदर्शित होणार केदार शिंदेचा नवा सिनेमा असेल, “ ऑन ड्युटी २४ तास”.