रवी जाधव यांचा नवीन चित्रपट

in

आजच्या नामवंत दिग्दर्शकांमध्ये रवी जाधव यांचं नाव आर्वजून घेतलं जातं. 'नटरंग' आणि 'बालगंधर्व' या चित्रपटांच्या दिग्दर्शनानंतर रसिकांच्या अपेक्षा नक्कीच वाढल्या आहेत. लवकरच त्यांचा 'बेंजो' नवीन चित्रपट येणार आहे. आजही ग्रामीण भागांमध्ये लग्न,कार्य तसंच समारंभाच्यावेळीस बॅन्डवाल्यांना बोलावणं असतं. नाही म्हणायला शहरांमध्येही काही मोठया कार्यक्रमांना त्यांना आमंत्रण असतं. अशा बॅन्ड वाजविणार्‍या कलाकारांचं आयुष्य या चित्रपटात आपल्याला पाहायला मिळणार आहे. मराठी चित्रपटसृष्टीत सातत्याने नवीन प्रयोग होत आहेत. या चित्रपटाचाही नाविन्यपूर्ण प्रयोगात समावेश होणार आहे. या चित्रपटाचं संगीत अजय अतुल करणार असून छायाचित्रण महेश लिमये करणार आहेत.