तेजस्विनीची नवी इमेज

सुरूवातीपासूनच सकस आणि दर्जेदार भूमिका करणारी करणारी अभिनेत्री म्हणून तेजस्विनी पंडित ओळखली जाते. 'रानभूल'आणि'गैर'या चित्रपटातील ग्लॅमरस भूमिकेनंतर 'ब्लफमास्टर'या चित्रपटात तेजस्विनी पुन्हा एकदा मॉड लूकमध्ये दिसणार आहे. 'अंबोजोगाई चित्र निर्मित' ब्लफमास्टर चित्रपटात तेजस्विनी पंडित आणि अंकुश चौधरी ही पेअर दिसणार आहे. सानिकाला पाहताच तिच्या प्रेमात पडलेला निकी (अंकुश चौधरी)तिच्यासाठी किती उचापती करतो याचीही मजेदार गोष्ट. दोघांच्या प्रेमाची गाडी रूळावर येण्यासाठी निकीला कुठले फंडे वापरायला लागतात हे चित्रपटात पाहायला मिळणार आहे. 'श्री संत कृपा प्रा.लि'आणि 'पूजा फिल्म्स प्रॉडक्शन प्रस्तुत'चित्रपटाची निर्मिती वैभव बढे, राजेश उत्तमचंदानी, नयना रानडे यांनी केली असून दिग्दर्शन किशोर साव यांनी केले आहे. या चित्रपटात अभिनेता अंकुश चौधरी तिहेरी भूमिकांमध्ये दिसणार आहे. 'ब्लफमास्टर'या चित्रपटाच्या रूपातून तेजस्विनी प्रथमच विनोदी भूमिका साकारत आहे. तिच्या चाहत्यांसाठी ही पर्वणीच असणार आहे. हा चित्रपट १७ फेब्रुवारीला प्रदर्शित होणार आहे.