दिग्दर्शिका मृणाल कुलकर्णी!

मराठी आणि हिंदी चित्रपट,मालिका,जाहिराती,सूत्रसंचालन अशा विविधांगी भूमिका साकारणारी गुणी अभिनेत्री म्ह्णजे मृणाल कुलकर्णी. आजवरच्या तिच्या उत्तम भूमिकांमुळे अनेक पुरस्कारांनी सन्मानित करण्यात आलं. अभिनयाबरोबरच मृणाल आपल्याला दिग्दर्शिकेच्या रूपात पाहायला मिळणार आहे.'प्रेम म्हणजे प्रेम असतं'या चित्रपटाचं दिग्दर्शन मृणाल करणार असून अभिनय आणि कथेच्या लेखनाची जबाबदारीही यानिमित्ताने मृणाल सांभाळणार आहे. आधुनिक काळात बदलत चाललेल्या विवाहसंस्थेवर भाष्य करणारी ही कथा असून ती मृणालनीच लिहिली आहे. या चित्रपटाच्या कलाकार निवडीची प्रक्रिया सध्या सुरू असून लवकरच या चित्रपटाचे चित्रीकरण सुरू होणार आहे. अभिनेत्री म्हणून यशस्वी झाल्यानंतर मृणालच्या दिग्दर्शनाबद्दल लोकांच्या मनात चित्रपटाच्या प्रदर्शनापूर्वीच उत्सुकता निर्माण झाली आहे.