'पुन्हा भरली येडयांची जत्रा'

हॉलीवूड आणि बॉलीवूडमध्ये हिट असणारा सिक्वेलचा फॉर्म्युला आता मराठीतही येऊ घातलाय. ३ फेब्रुवारीला प्रदर्शित झालेला'ऑरेंजन एन्टरटेनमेंट'ची निर्मिती संस्थेच्या 'येडयांची जत्रा'या चित्रपटाने प्रबोधनासोबत मनोरंजनाची सांगड घालून विनोदाचा उत्तम डोस दिला आहे. ग्रामीण महाराष्ट्रातल्या चित्रपटगृहात चित्रपटाने तुफान यश मिळवल्यामुळे निर्माते विश्वजीत गायकवाड यांनी चित्रपटाचा सिक्वेल काढण्याची घोषणा केली आहे. 'पुन्हा भरली येडयांची जत्रा'हे या चित्रपटाचं नाव असणार आहे. 'येडयांची जत्रा'चित्रपटाचे दिग्दर्शक मिलिंद कवडे 'पुन्हा भरली येडयांची जत्रा'चित्रपटाचे दिग्दर्शन करणार आहेत.
'येडयांची जत्रा'चित्रपटात भरत जाधव, स्नेहा कुलकर्णी, मोहन जोशी, विनय आपटे, संदीप पाठक, पंढरीनाथ कांबळी, निशा परूळेकर, आरती सोळंकी, विशाखा सुभेदार, आनंदा कारेकर, जयराज नायर, गणेश मयेकर, सतीश तारे, किशोर नांदलस्कर, जयंत सावरकर, मनोज टाकणे, वासु भागवत या कलाकारांनी आपल्या अभिनयाने आणि विनोदाने हा चित्रपट अधिकाधिक रंजक करण्याचा प्रयत्न केला आहे.